2010/3/29 20:01
唉，人算不如天算。一心預備好出院回家，結束這 57 天的住院生涯。輸埋血小板就可以返屋企，結果由中午等到下午四點幾。四包血小板終於預備好。慣性望下，大穫！又係唔係四包都 O 型！今次係兩 O 兩 AB！上次的兩 O 兩 B 慘痛教訓，又再次在我腦海中浮現。
其實平日成日都輸血小板，一直都相安無事。上次輸血小板時，輸到第二和第三包是 B 型時，即時有反應，全身痕到死，要即刻打 piriton，勁慘。自此之後，我對其他血型的血小板都避之則吉。可惜，從血庫來的血小板，血型是不能選擇的。
今次見到有 AB型，都心知不妙，已經同姑娘備案。說時遲那時快，已經有紅疹出了。姑娘聽完我講，今次動作也快了很多，立即幫我 call 醫生打 piriton。諗住打完之後會好一點，可是卻越來越唔對路。開始眼訓之外，便是發冷。接著是全身發震，勁辛苦！發冷發了很耐，才開始發燒。已經通知了大家今天可回家，點知竟然因為咁，houseman 唔俾我走！唉，燒到 38 度，佢當然唔想孭穫，唔俾我走啦。咁都得，以後都唔要其他血型的血小板！
再次證明，上帝掌管萬事。祂不讓你走的話，誰也走不了！希望今晚可以睡得好......
其實明天出院後，星期三也要回來抽骨髓。不如住埋明晚？
沒有留言:
發佈留言